Amazon-a məxsus olan Twitch kimi böyük şirkətlər adətən qərarlarında heç vaxt tərəddüd etmir və, lazım olduqda, ciddi cəzalar tətbiq edirlər. Belə təşkilatlar adətən bir sıra ən yaxşı vəkillərlə işləyirlər. Bu səbəbdən, streamer-in Twitch-ə qarşı məhkəmədə qalib gəlməsi faktı auditoriyanı təəccübləndirdi.

Keçən gün San-Fransisko Məhkəməsi streamer phantoml0rd və Twitch ilə bağlı qərar verdi. Qeyd etmək lazımdır ki, məhkəmə iki ildən artıq davam edirdi.

Streamer məhkəmədə qazandığı qələbə barədə öz Twitter akkauntunda məlumat verib. O bildirib ki, 2016-cı ildə kanalınının bağlanılması qeyri-qanuni baş verib. O, həmçinin Twitch administrasiyasının ona təqdim etdiyi fırıldaqçılıq ittihamına da etiraz edib.